గ్యాస్ స్టౌ మీద చేసిన వంట ఎక్కువగా తినడం వలన ఆస్తమా వస్తుందా..

ఆస్తమా బారిన పడుతున్న వారి సంఖ్య రోజురోజుకీ పెరుగుతోంది. ఇదో దీర్ఘకాలిక వ్యాధి. ఒక్కసారి పట్టుకుందంటే ఇక ఊపిరాడక ఉక్కిరిబిక్కిరి అయిపోతాం. ఫ్లూ జ్వరం కూడా అటువంటిదే. 

ప్రధానాంశాలు: ఆస్తమా పేషెంట్స్‌కి ఊపిరితిత్తులు అతిగా స్పందిస్తాయి కాఫీలు, టీలు తాగితే ఆస్తమా రిస్క్ 

 

 రియాక్ట్ అవడంతో .. శరీరంలోని ఇతర అవయవాలతో పోల్చితే శ్వాస కోస వ్యవస్థ ఎక్కువగా దుమ్ము, ధూళికి ఎక్స్‌పోజ్ అవుతుంది. వీటిని అడ్డుకునే సామర్థ్యం మన ఊపిరితిత్తులకు ఉన్నప్పటికీ పరిమితి మించితే శ్వాస కోశ వ్యాధులు ప్రారంభమవుతాయి. చల్లని గాలి పీల్చినా, గాలిలో దుమ్ము, ధూళి లేదా కలుషిత వాయువులున్నా కొందరి ఊపిరితిత్తులు ఓవర్‌గా రియాక్ట్ అవుతాయి. ఈ స్టేజ్‌నే ‘ఆస్తమా’ అంటారు.

రోగ నిరోధక వ్యవస్థే కీలకం ..

ఆస్తమా బారిన పడే వారి ఊపిరితిత్తులు అతిగా స్పందించడంతో బలహీనంగా మారుతాయి. అందుకే.. సాధారణ వ్యక్తుల కంటే వీరికే ఇన్‌ఫ్లుయెంజా వైరస్‌ త్వరగా సోకుతుంది. ముఖ్యంగా పిల్లల్లో ఇది ఎక్కువగా కనిపిస్తుంది. ఐతే.. ఆస్తమా వ్యాధి ఉన్నంత మాత్రాన ఇన్‌ఫ్లుయెంజా వైరస్‌ కచ్చితంగా సోకుతుందని చెప్పలేమని, రోగి వ్యాధి నిరోధక వ్యవస్థ కూడా ఇందులో కీలకం అని వైద్యులు చెబుతున్నారు.

  ఈ కెమికల్స్ వల్ల ..

ఆస్తమా తీవ్రతను  తగ్గించడానికి చాలా మంది ఇన్‌హేలర్స్ వాడుతుంటారు. ఇందులో ఉండే మందు తయారీలో కొన్ని రకాల స్టెరాయిడ్స్ ఉపయోగిస్తారు. ఆస్తమా రోగుల్లో ఎక్కువమంది ట్యాబ్లెట్స్ కంటే ఇన్‌హేలర్లే బెటర్ అని ఫీలవుతుంటారు. ఐతే.. ఇవి అతిగా ఉపయోగిండం వల్ల శరీరంలో ఇమ్యూనిటీ తగ్గిపోతుందట. అందుకే.. వీరికి ఇన్‌ఫ్లుయెంజా వంటి వైరస్‌‌లు మిగిలిన వారితో పోల్చితే త్వరగా సోకుతుంటాయి. ఇక.. ఆస్తమా పేషెంట్లకు ఫ్లూ వైరస్ వ్యాక్సిన్ వేస్తే కొంత మేర ప్రయోజనం ఉంటుందని, వ్యాధి తీవ్రత తగ్గుతుందని కొన్ని పరిశోధల ద్వారా తేలింది.

  శ్వాస కోశ వ్యాధులుంటే .. ఆస్తమా వంటి శ్వాస కోస వ్యాధులున్న వారు కొన్ని జాగ్రత్తలు తీసుకోవాలి. రోగ నిరోధక శక్తిని పెంచుకోవాలి. సమతుల ఆహారం తీసుకోవాలి. శరీర బరువు అదుపులో ఉంచుకోవాలి. రెస్పిరేటరీ డిసీజెస్ ఉన్నవారు వ్యాయామం చేయకూడదు అనేది ఒట్టి అపోహేనని వైద్యులు చెబుతున్నారు. వీరి దినచర్యలో వ్యాయామం, శారీరక శ్రమ తప్పనిసరిగా ఉండాలి అని స్పష్టం చేస్తున్నారు. ఆస్తమా ఉన్నవారు సిగరెట్ స్మోకింగ్ మానేయాలి. ఇక.. ఏటా ఫ్లూ వ్యాక్సిన్‌ కచ్చితంగా‌ తీసుకోవాలి. పల్లెటూళ్లలో వ్యవసాయ పనుల్లో ఉపయోగించే ఎరువులు, పురుగు మందులు పిచికారీ చేస్తున్నప్పుడు జాగ్రత్త వహించాలి. ఈ పురుగు మందుల రేణువులు గాలిలో కలిసి తద్వారా ఊపిరితిత్తుల్లో చేరితే ఇబ్బందులు ఖాయం. శ్వాస సంబంధ వ్యాధులతో బాధపడుతున్నవారు కంటి నిండా హాయిగా నిద్రపోవాలి. బ్రీతింగ్‌ ఎక్సర్‌సైజెస్‌ చేస్తే రిలాక్సింగ్‌గా అనిపిస్తుంది. యోగా, ధ్యానం వంటివి కూడా క్రమం తప్పకుండా చేయాలి. ఈ ఆహారమే మేలు ..

శ్వాస కోస సంబంధ వ్యాధులున్నవారు ప్రాసెసింగ్ ఫుడ్‌కు దూరంగా ఉండాలి. ప్రిసర్వేటివ్స్ ఉపయోగించి నిల్వ ఉంచిన ప్యాకేజ్డ్ ఆహారాన్ని తీసుకోకూడదు. జంక్ ఫుడ్ అసలు ముట్టనే కూడదు. కాఫీలు, టీలు తాగడం తగ్గించాలి. వీటి తయారీలో ఉపయోగించే కొన్ని రకాల మూలికల వల్ల ఆస్తమా రోగులకు ఆయాసం వచ్చే ప్రమాదం ఉంది. రోజుకో యాపిల్ తింటే ఆస్తమా రోగుల్లో ఊపిరితిత్తుల పనితీరు మెరుగుపడుతుందని వైద్య నిపుణులు చెబుతున్నారు. ఆహారం తిన్న వెంటనే ఆయాసం వస్తే .. పొటాషియం, విటమిన్ డి, యాంటీ ఆక్సిడెంట్లు ఎక్కువగా ఉండే ఆహార పదార్థాలు, పండ్లను తీసుకుంటే శ్వాస ప్రక్రియ సాఫీగా జరుగుతుంది. ఒకేసారి ఎక్కువ ఆహారం తీసుకోవడం వల్ల కడుపులో యాసిడ్ అధికంగా ఉత్పత్తి అయి గ్యాస్ట్రిక్ ట్రబుల్ సమస్య తలెత్తే ప్రమాదం ఉంది. అందుకే.. విడతల వారీగా మితంగా ఆహారం తీసుకోవాలి. ఫలానా ఆహారం తీసుకున్న తర్వాత పదే పదే ఆయాసం వస్తుందని మీరు గుర్తిస్తే మరోసారి ఆ ఆహారం జోలికి వెళ్లకూడదు. ఇవి తెలుసుకోండి .. ప్రపంచ వ్యాప్తంగా ప్రతి పదకొండు మంది చిన్నారుల్లో ఒకరికి ఆస్తమా ఉందని ఓ సర్వే ద్వారా బయటపడింది. అలాగే.. పెద్దల్లో ప్రతి 12 మందిలో ఒకరు ఆస్తమా బాధితులేనట. మొత్తం ఆస్తమా రోగుల్లో 75 శాతం మంది ఏడేళ్ల వయసు లోపు వారేనట. ‘పీక్ ఎక్స్‌పిరేటరీ ఫ్లో టెక్నిక్’ అనే ప్రక్రియను ఉపయోగించి ఇంట్లోనే ఆస్తమా పరీక్ష చేయించవచ్చని వైద్య నిపుణులు చెబుతున్నారు. ఆయాసం, పిల్లికూతలు వంటివి వస్తే ఆస్తమా అని మనమే ఫిక్స్ అయిపోయి మందులు షాపులో ఇన్‌హేలర్లు కొనేసి వాడేయకూడదు. మనకు ఏ మత్రం అనుమానం వచ్చినా వైద్యులను సంప్రదించాలి. ఇళ్లల్లో గ్యాస్ స్టవ్ వినియోగం వల్ల వందల సంఖ్యలో 15 ఏళ్ల వయసులోపు పిల్లలు ఆస్తమా బారిన పడినట్టు అస్ట్రేలియాలోని ఓ ప్రముఖ యూనివర్సిటీ పరిశోధనలో తేలింది. తీవ్రమైన మానసిక ఒత్తిడిని ఎదుర్కొనేవారిలో ఆస్తమా సమస్యను ఎక్కువగా గుర్తించామని అమెరికాకు చెందిన ఓ ప్రసిద్ధ విశ్వవిద్యాలయం అధ్యయనం ద్వారా బయటపడింది.

గమనిక:- ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.